Biznesmeni i njohur Gjergj Luca ka ndarë një mesazh urimi për Vitin e Ri përmes një statusi në rrjetet sociale, ku vë në qendër punën, prodhimin vendas dhe vizionin evropian të Shqipërisë.
Në postimin e tij në Facebook, Luca thekson se te Rozafa dhe Fish City nuk bëhet vetëm punë dhe prodhim, por zhvillohet një jetë e plotë komunitare, ku puna, debati, protesta, kultura dhe gëzimi bashkëjetojnë si pjesë e një shoqërie aktive dhe moderne.
“Ne te Rozafa punojmë, prodhojmë, eksportojmë, fitojmë, debatojmë, protestojmë, vallëzojmë dhe gëzojmë… Gëzuar Vitin e Ri me prodhime shqiptare, gëzuar Shqipëria evropiane!”, shkruan Luca, duke e shoqëruar mesazhin me simbole të flamurit shqiptar dhe atij evropian.
Mesazhi i biznesmenit vjen si një apel për mbështetjen e prodhimit “Made in Albania” dhe si një shprehje optimizmi për të ardhmen evropiane të vendit, duke e lidhur zhvillimin ekonomik me identitetin, punën dhe bashkëpunimin shoqëror.
