NTERVISTA E PRESIDENTIT TË PARTIZANIT GAZMENT DEMI DHËNË EKSKLUZIVISHT PËR TELEVIZIONIN “REPORT TV”
I kënaqur me 4 fitore radhazi –
Demi: Si i thonë ato plakat “mos ta hajmë m’sysh”. Me një fjalë duket mirë, është bërë një punë e mirë, edhe lojtarët janë rikthyer dhe prurjet e reja. Ne kemi patur një fatkeqësi të madhe në fillim, pasi infermieria ka qenë “full”. Dhe tani përveç prurjeve të reja që kanë ardhur tani në janar, po vijnë edhe ata që kanë qenë në infermieri. Ka lojtarë që akoma se ka parë njeri, nga më të mirët që ka luajtur në Shqipëri.
Puna dhe ecuria e trajnerit Oltjon Kërnaja –
Demi: Pikëputjet janë teoria e studiove të juaja. Bëjnë trajnerë, nxjerrin trajnerë. E para punës, trajneri Kërnaja punonte te Partizani, ishte trajneri i ekipit B. Kur unë i shkëputa marrëdhëniet me grupin serb që ishte, duhet të gjeja një trajner. Kisha shumë kërkesa, nga Italia, nga Evropa e nga vende të tjera pasi i kemi lidhjet e forta, por në fund fare thash do të vendos një nga tonët.
Mezi, insistuam mezor ta hiqnim nga B dhe të mbante A-në. Unë investoj te djemtë e rinj në fakt. Ky djali është djalë me karakter, malsor, malsor tamam, nga Kërnaja e Tropojës.
Nëse Partizani nuk shkon në “Final – Four” dhe Europë –
Demi: Të falimentum komplet. Që nga unë i pari, Partizani dhe të gjithë drejtuesit e mi.
Kupat e Europës –
Demi: Europa po nuk shkove në grupe, dmth bën ca minimizime, por nuk del asnjëherë aty ku duhet. Kryeministri ynë i dashur ka dhënë fjalën që do të bëhet ligji i sponsorizimeve. Komunikon me presidentin Duka dhe ne nga Duka marrim vesh se është afër puna. Më shumë nuk dimë, takova dhe një herë Ministrin dhe ai na thotë se na ka dhënë urdhër shef Edi që do ta bëjmë. Pa u bërë kjo jemi të gjithë klubet shumë dobët. Shmë thonë Europa, por po nuk shkove në grupe ke bërë vetëm zbutje të vogla. Neve na ka mbajtur shitja e lojtarëve dhe dalja në Europë. Pse them falimentim? Nuk është puna veç te financat, ne jemi ekipi që kemi koeficientin më të lartë në Shqipëri dhe parimisht ndeshjet na bien më të lehta se të të tjerëve . Ky vit duhet të jetë viti që ne duhet të luftojmë për grupet e Conference League. Për këtë e them fjalën faliment.
Kompleksi dhe stadiumi “Arena e Demave”-
Demi: Siç e dini të gjithë unë vetëm një stemë kam marrë nga Partizani dhe borxhet që kishte.Tani me këtë të renë që na ka dhënë kryeministri dhe qeveria që do bëhen edhe 3 fusha të reja do edukohen minimumi 500 fëmijë. Nëse sot janë 150 fëmijë te Partizani do jenë 500 nesër.
Qeveria ka firmosur kontratën me Partizanin i është dhënë toka. Janë ca proçedura të vogla se janë ca godina të shkatërruara siç i keni parë edhe ju që duhet të dalin jasht përdorimit dhe siç edhe ka thënë gjenerali i ushtrisë që i ka këto mjete për 2 javë përfundon ka folur edhe me sekretarin e përgjithshëm tonin. Për nja 10 ditë ne mendojmë që të fillojë puna. Do të kem shumë dashuri që ta mbarojmë punën jo vitin tjetër kur të jetë kampionati evropian, sepse është miratuar edhe stadiumi ynë aty, por të jetë gati për sezonin tjetër. Që çdo ndeshje të bëhet atje dhe të përfundohet rruga e të gjitha.
