Ofensiva e re e IDF -së kundër Hezbollahut do të jetë e gjerë dhe gjithëpërfshirëse dhe mund të përfshijë një pushtim tokësor, tha një burim sigurie izraelit për kanalin e lajmeve Al-Hadath të drejtuar nga Arabia Saudite, siç raportohet nga Times of Israel.
Burimi deklaroi se “nuk do të ketë imunitet për asnjë politikan apo figurë ushtarake të Hezbollahut, as për mbështetësit e tij”.
IDF konfirmoi se kishte filluar të godiste objektivat e Hezbollahut në të gjithë Libanin, duke thënë se nuk do të lejonte që organizata të përbënte një kërcënim për Shtetin e Izraelit dhe “të dëmtonte banorët e veriut”.
Sipas IDF, dhjetëra sulme ajrore në Bejrut dhe në Libanin jugor goditën selinë dhe infrastrukturën e Hezbollahut, si dhe një automjet që transportonte dy operativë nga Forca elitare Radwan e grupit terrorist në zonën Kfar Dajjal.
Në kryeqytetin e Libanit, ushtria tha se kishte shënjestruar anëtarë të lartë të grupit terrorist në një sulm, pa dhënë menjëherë detaje të mëtejshme.
Nga sulmet në Bejrut dhe Libanin jugor janë vrarë 31 persona dhe plagosur 149 të tjerë, sipas ministrisë së shëndetësisë të Libanit.
