Analisti dhe publicisti Ilir Demalia ka reaguar përmes një postimi në rrjetet sociale lidhur me situatën politike në Shtetet e Bashkuara të Amerikës, duke paralajmëruar për rrezikun që, sipas tij, i kanoset demokracisë amerikane nga prirjet autoritare të mishëruara nga presidenti Donald Trump dhe lëvizja që ai përfaqëson.
Në reagimin e tij, Demalia thekson se Amerika ka qenë për një kohë të gjatë simbol global i lirisë dhe demokracisë, por se sot kjo trashëgimi po vihet seriozisht në provë. Megjithatë, ai nënvizon se asnjë lider, demagog apo rreth interesash nuk mund t’ia marrë popullit amerikan lirinë, demokracinë dhe dinjitetin.
Sipas tij, këto vlera jetojnë tek vetë qytetarët amerikanë dhe janë pjesë e shpirtit të tyre kolektiv, një frymë që nuk mund të pushtohet apo të shuhet. Demalia kujton se Shtetet e Bashkuara janë ndërtuar mbi sundimin e ligjit, pluralizmin dhe rezistencën ndaj tiranisë.
“Nuk ka vend për fashizëm, frikësim politik apo kult pushteti në Amerikë,” thekson ai, duke shtuar se historia ka treguar vazhdimisht se sa herë demokracia është vënë në rrezik, amerikanët janë ngritur për ta mbrojtur atë.
Postimi në Facebook/ SHQIP dhe ANGLISHT
Amerika ka qëndruar prej kohësh si një simbol global i lirisë dhe demokracisë. Sot, kjo trashëgimi është nën një kërcënim serioz nga prirjet autoritare të mishëruara nga Donald Trump dhe lëvizja e tij. Por asnjë udhëheqës, asnjë demagog dhe asnjë klikë bashkëpunëtorësh nuk mund t’ua heqë lirinë, demokracinë apo dinjitetin popullit amerikan. Këto vlera jetojnë te vetë njerëzit — dhe ai shpirt nuk mund të pushtohet.
Amerika është një komb i vetëm, i themeluar mbi sundimin e ligjit, pluralizmin dhe rezistencën ndaj tiranisë. Nuk ka vend në këtë vend për fashizëm, intimidim politik apo kultin e pushtetit. Historia tregon se kur demokracia sfidohet, amerikanët në fund ngrihen për ta mbrojtur atë.
Zoti e bekoftë shpirtin amerikan — të qëndrueshëm, sfidues dhe të lirë. Askush, as Donald Trump dhe as ata që e mundësojnë atë, nuk mund ta zotërojë, ta heshtë apo ta shkatërrojë atë.
=
America has long stood as a global symbol of freedom and democracy. Today, that legacy is under serious threat from authoritarian tendencies embodied by Donald Trump and his movement. But no leader, no demagogue, and no clique of cronies can strip freedom, democracy, or dignity from the American people. These values live in the people themselves—and that spirit cannot be conquered.
America is one nation, founded on the rule of law, pluralism, and resistance to tyranny. There is no place in this country for fascism, political intimidation, or the cult of power. History shows that when democracy is challenged, Americans ultimately rise to defend it.
God bless the American spirit—resilient, defiant, and free. No one, not even Donald Trump and those who enable him, can own it, silence it, or destroy it.
